يمعودين أخوكم دايخ فساعدوني، تره كلشي مدا افتهم، حتى الكتابة بالفصحى مدا أدبرها، من الدوخة.  طلع هادي العامري هذا اللي يسموه وزير النقل، بقناة الشرقية يحجي للزميلة ميسم السعدي، يكول المخطط الصهيوني قضي بتدمير سلاح الجيش العراقي حتى تنتشر القاعدة، وهسه ديسوون نفس الشي ويه سوريا. وكال: انا كلتلهم، إلمن متدري، صدام أشرف من القاعدة، ولو خيروني أختار أحارب بجبهة صدام ضد القاعدة. وكال أنا نصحتهم ان ما يسمحون بالتظاهرات ببغداد وديالى لأنها مناطق مختلطة. هاي كول افتهمتها لأن أعرف هادي العامري عقله مليان بالطائفية وبالنتانة، وفوكاها ما يعرف شنو الشعب العراقي، لأن تربى بأحضان إيران. هسه هاي كلها ما علينا بيها، لكن كال معلومة خطيرة، وهي أنه احنه، يعني همه مو أحنه، من حولنا منظمة بدر من عسكرية إلى سياسية، كالوا لنا، منو هم متدري، لعد شلون راح تقاومون الاحتلال إذا حولتوها الى منظمة سياسية؟ جاوبناهم راح نقاوم الاحتلال مقاومة سلمية ونطلعهم. هسه اللي أريد أفهمه، حشاكم، يا كلب ابن كلب لعد جاب الاحتلال؟ ويا حمار ابن حمار صافحهم ولعق احذيتهم؟ وليش ما كلتوا إلنا ان منظمة بدر قاومت الأمريكان وطلعتهم سلمياً، وآني لعنت سلفه سلفاهم عبالي عملاء!! ثم شلون وشوكت انقلبت الآية وقاومت منظمة بدر الأمريكان بينما هي حاربت الجيش العراقي بالحرب العراقية الإيرانية مع الجيش الإيراني عسكرياً؟ أرجوكم جاوبوني بلكي تروح دوختي ..