الله أيساعد أخويه دكتور .. اشلونك يابه .. اشلون صحتك .. إن شاء الله زين .. دكتور الله يحفظك ويخليك ألنا .... تسمحلي أجاوب على كد اللي اعرفه على سؤالك الورد ، واللي جنابك العزيز طلبت بي من ذوي الرأي والحنكة والسداد أيجاوبونه .. دكتور .. لازم ما أقريت اشكَالت جيرانا ( أم ستوري لبو ستوري ) بالحلقة الأولى واللي طلعت ب ( البصرة وذي قار ) قبل يومين من سمعنا أحنا والدربونة والحي والشعب كله خبر البشرى اللي كَلب الدنيا من علنه أخويه المذيع أستاذ احمد بالتلفزيون أبحصاد أخبار قناة الشرقية مساء أول البارحة ؟ . وإذا ما ألك علم بالخبر .. أرجوك دكتور شوفه أو راح تتأكد زين أو راح تعرف اشكَالت أم ستوري على ذولة الجماعة اللي باوسهم ( عموري ابن حكومي) أبو طمغة البيتنجان أل كل من (اسومي وملوكي )..... أو تدري دكتور عمر وين باوسهم ؟ أبنص كل الغربة اللي أجونا ويه الاحتلال من إيران وأمريكا وبريطانيا والحدود المحرمة مال إسرائيل ؟؟ ومن كل الدنيا .. وإذا ما ألك وكت أتراجعه ، راح اضعلك الحوار مال أخوك أبو رحومي وأبو ستوري وأم ستوري هنانا أبهذا الجواب . حبيبي دكتور عمر اكَلك .. الجماعة هنانا بالمنطقة الغبراء عبا لهم كل أمدعبل جوز ؟ أو ميدرون ذولة الغشمة القشامر أبشعبنا ، تدري ليش حبيبي دكتور عمر ؟ لأنهم محصورين مثل الحيوانات أبحديقة الحيوانات .. أو قبل ما أجاوب على رسالتك .. اكَول الذوله الطائفيين بالمنطقة الغبراء .. باعو ترى شعبنا مو بس أمفتح باللبن وداعة العراق أمفتح حتى بالتيزاب ، والشعب يعرفكم زين أو يعرف تاريخكم المصخم بالقتل والإجرام والغوغاء والبوكَ .. ويعرفكم هوايه من احتلت أمريكا العراق أو نصبوكم قتله أو حرامية ، أو يدري بيكم يا خونة راح اطلعون قهركم أو تاخذون ثار عمومتهم وأخوالكم الإيرانيين اللي ضاكَوا السم من انتصرنا عليهم بالحرب العراقية الإيرانية .. ويعرفكم زين اشلون راح أطلعوها بالشعب المسكين المكَرود .. أو طلعتوها ب ( الطاب والطيب) اللي أيشوفها يومية الشعب من ورى (المفخخات والكواتم والسوات والميليشيات االمدبكَة بالساقطين والنغوله والحرامية والمكبسلين والحشاشة من جيش المهدي والخز علي الساقط والبطاطي السافل والشرطة الاتحادية اللي سوت ما سوت من مصايب بالمعتقلات والسجون الخاصة والعلنية وياهم ميليشياتهم السر بليه الساقطين من أحباب الفقيه والعياذ بالله ، أو حزب الله ... ووالخ ) ، أو فوكَاها أتذبون مسؤولية أجرامكم بالتفجيرات والقتل وتخلوها براس البعثيين والصدامين والقاعدة .. ومع هذا راح اكَلك يا دكتور أو هاي للتاريخ .. ترى (اسومي) أبو البرلمان امطفي أو كلشي ما يفتهم بالسياسة ... بس والله دكتور هاي نفضت زيجي ألو يفتهم بس ابشي واحد .. أكيد تعرفه دكتور أو يعرفه الشعب .. وإذا ما تعرفه أو ما يعرفه الشعب راح اكَلك بي ، واكَول للشعب .. تدري شنو هوا ؟ جذوب !!!!!!! أو من يجذب جذبه مصفط !!!!!!! وخاصة من يوعد الشعب وي كَله راح نعقد اجتماع البرلمان بعد العطلة الخريفية أو يوم الأحد أو راح نقرر أو اخلي أيشوف الشعب اشراح انسوي !!!! يما يما !!!!!!! .. راح اكَلب الدنيا على ملوكي ونسوي المنطقة الخضراء كلها مفروشة بالسجاد الأحمر حتى ما تتوسخ أحذية الغرباء اللي اجو من الخارج وإيران ويظل طول العمر ملتقى للبوس والحضن أو تقاسم المقسوم .. على كل دكتور عمر .. ولا ايهمك ترى بينت حقيقة (اسومي) .. لك طلع هذا حصيني غبي مو شاطر أو ذكي .. يله خل يشبع بوس .. شعلينا هذا طبع الجوعانين .. لكن دكتور تدري اشصار من بعد ما اتباوسوا (اسومي وملوكي) وهنا أيكون جوابي ألك يا دكتور عمر : وكَف ( الطاب والطيب والطاخ والطيخ والجاك والجيك والتك وتيك ) .. وهنانا بينت الحقيقة اللي عرفها الشعب وأصبحت مثل الشمس أو مثل ما كَال أبو المثل : وهنا المنعجر دك روحه أو بسمارج منج يا لوحة . ها دكتور .. هسة اشلون جوابي صار واضح عندك لو أتريد أوضحا الجنابك أكثر .. يله راح أوضحا ألك أكثر .. بس انطيني درجة أو جاوبني أو لا تبخل بالجواب وتكَول أبو رحومي بطران لو أمي أو خلي أهمله لو مقاله مو نظامي أو غير موزون بالرفع والضمة والكسرة والهمزة .. اذكر دكتور عمر .. ترى كلام أبو رحومي هو كلام بغدادي والباقي عليك .. يله أو مع هذا يا دكتور راح أوضحلك : الشعب يا دكتور أو من بعد ما اشتغل ألبوس والشبك والحضن بين (اسومي وملوكي) سبحان الله أو وكَف ( الطاخ والطيخ والطاب والطيب والجك والجيك والتك والتيك ) صفنلها الشعب بعيد أو صارت عنده قناعة ثابتة أو مثل ما جانت قناعته كَبل أبمسؤولية كل التفجيرات اليومية اللي جنا أنسميها أو مثل ما أتسميها الفضائيات بالدامية .. والله يا دكتور عمر يتحمل مسؤوليتها اثنين .. لو (اسومي) هو السبب ب(الطاب والطيب والطاخ والطيخ) .. لو (ملوكي) واللي اعتقد هو السبب الأول والأخير ب(الطاب والطيب والطاخ والطيخ والجاك والجيك والتك والتيك والدم والديم ) .. والأحسن يا دكتور أو حتى لا أدوخك .. راح أفضلك إياها أو ننهي جوابنا .. الشعب أفتهم زين بان (اسومي وملوكي ) هم السبب الأول والأخير ب(الدي والدو والطاب والطيب والطاخ والطيخ والجك والجيك والتك والتيك والدم والديم ) والاثنين ويه جماعتهم الحرامية المذابحين على الكراسي ذبحوا الشعب أو هجموا أو دمروا البلد . أو أبنهاية جوابي اكَول لأخويه دكتور عمر الكبيسي صدكَ لو كال معروف الرصافي : أنا بالحكومة والسياسة جاهلُ عما يدور من المكائد ِغافل ُ لكنني هيهات افـْقهُ كوننا شعبا ً يتامى جـُلـّه ُ وأرامل ُ في كل ّ يوم ٍ فتنة ٌ ودسيسة ٌ حربٌ يفجّرُها زعيم ٌ قاتل ُ هذا العراقُ سفينة ٌ مسروقة ٌ حاقت براكينٌ بها وزلازل
