وردنا من مصدر موثوق تقرير الى احمد الجلبي عن اللقاءات بين الكتل الرئيسه الفائزه في الانتخابات وكما يلي :-

1- لقاء عمار الحكيم ورافع العيساوي وكان هذا الحوار بينهما :-

عمار : اهلا وسهلا

العيساوي : بيك اكثر سيدنا

عمار : ندخل بالموضوع

العيساوي : تعرف سيدنا احنا حصدنا اكبر عدد من المقاعد

عمار : مقاطعا , عفوا مبروك وبلغ تهانينا لعلاوي

العيساوي : ومثل متعرف سيدنا انتم القائمه الاقرب لبرنامجنا

عمار : اكيد

العيساوي : والحقيقة جيت نتبادل التصورات حول تشكيل الحكومه

عمار : حاضرين دكتور

العيساوي : والحقيقه ايضا تحالفنا سيمكننا من توزيع الحقائب واحنا متراهيين وعلى فكره المقاعد الاربعه مال البولاني اتفقنا عليها مقابل حقيبة وزارة المواصلات .

عمار : عال

العيساوي : بس حبينا نعرف طلباتكم

عمار : ضحكه وقهقه

العيساوي : بدا اكثر اطمأنانا من الاول

عمار : كلها سهله المهم الوطن ( تعليق رافع التقرير المقصود ايران )

العيساوي : اي بس سيدنا الاستاذ علاوي يحب يعرف طلباتكم

عمار : دكتور احنا بهذه الحاله نتقاسم وياكم المناصب الوزاريه بما فيها الوزارات السياديه

العيساوي : بس سيدنا لتنسا الاكراد لازم هم نرضيهم

عمار : لامانع خلي الاستاذ الطلباني يبقى رئيس مو مشكله

العيساوي : بس سيدنا مو نص الوزرات هوايه بأعتبار احنا الكتله الفائزه

عمار : انتوا الكتله الفائزه واحنا الرقم الصعب

العيساوي : شتقصد سيدنا

عمار : يعني محد يكدر يشكل حكومه الا بالاشتراك ويانه

عمار من جديد : وللعلم  المالكي طلب لقائي باجر

العيساوي بعد تململ في مقعده  : سهله احنا من حيث المبدأ العام متفاهمين

عمار : بس مكتلي منو حيصير رئيس وزراء

العيساوي : طبعا الاستاذ علاوي

عمار : لكن هاي مشكله لان سيد مقتدى حالف يمين ميصير علاوي !!!!!

العيساوي : سيدنا مو انت رئيس الكتله

عمار : بس لتنسا سيد مقتدى عنده 40 مقعد وتعرفوه انتو شلون مخبل

العيساوي : يبهت وبعد ميعرف شيحجي .

عمار : دكتور كلها بسيطه .. بعد عدنا هوايه وكت ... يا اهلا وسهلا سلمنا على علاوي

انتهى اللقاء

يتبع  لبقية التقرير المقدم لاحمد الجلبي

- لقاء علاوي ومام جلال

- عمار ومام جلال

- لقاءات طهران

- قاسم سليماني : تره سيد مقتدى داخل غيبه ومنريد نزعجه ( مقدم التقرير السيد تحت الاقامه الجبريه )

- برقيه من مقتدى تره اكلبها على رووسهم شنو هذا عمار يتفاوض من كيفه وميدز على صلاح وبهاء واخوه

- برقيه الى بغداد بأستدعاء عمار والاديب ووو ( احتفالات نوروز ) طبعا نوروز صارله سبوعين منخلص